فيه جملة قرأتها بتقول :
"الشيطان مش هيسيبك تبني بيت مسلم بسهولة"

لفت انتباهي حاجه مكنتش بصدقها خالص
وهي إن أي اتنين بيدخلوا في إطار شرعي للإرتباط زي الخطوبة مثلا أو كتب الكتاب أو فرحهم بيقرب بتحصلهم ابتلائات وخلافات ومشاكل من مفيش
مكنتش بصدّق في الحوار ده وأقول لأ ازاي ده لازم نكون مبسوطين طول الوقت بس الحقيقه فهمتها لما حد قالي إن احنا بنكون عايزين نبقى مبسوطين علطول؛
بس للأسف الشيطان بيلاقي مجال إنه يزوّد همّك فتفضل تفكر مثلا هتعمل ايه في المصاريف وهتجهز الشقة ازاي طب هل ده فعلا الشخص اللي هيقدر يسعدك ولا لأ ومن أقل مشكله بيهيألك الأفكار السلبية عشان دي حاجه عكس رغباته إنك هتبني بيت مسلم جديد وهيبقى فيه أولاد مؤمنين موحدين بالله.

فَكل ما تلاقي نفسك بتتخانق مع شريكتك على حاجات تافهة أو النكد بيتسرسب مابينكم افتكر الآية اللي بتقول :
﴿ إنَّ الشَّيْطانَ يَنْزَغُ بَيْنَهم إنَّ الشَّيْطانَ كانَ لِلْإنْسانِ عَدُوًّا مُبِينًا ﴾.
#كومنتاتك