#كومنتاتك - سلفتك حامل يامريم ياحبيبتى😂😂
= عارفه ياماما
- حبيبة قلب ماما هتعمل ايه دلوقت؟
= هحمل واولد قبلها باربع شهور
- ولو هى جابت ولد ؟
= هجيب انا ولدين
- ولو جابت بنت ؟
= هجيب برضه ولدين
- ولو ملحقتيش تولدي قبلها ؟
= هتبني فى وقتها
- المهم فى الليلة كلها ؟
= اننا نحرق دمها
- اوعى تخليها تغلبك يامريم ياحبيبتي
= عيب ياماما
-الله يسعدك ياحبيتي .. لو شوفتيها ناشره هدوم هتعملى ايه ؟
= هنشر فوقيها واطرطش عليها
- ولو هى حشت ورق عنب؟
= هحشى انا العنب نفسه
- عشان الست الناصحة من يومها
= ماتخليش سلفتها احسن منها
- الله يكلمك بعقلك ياحبيبتي .. القاعدة الاولى بتقول ايه؟
= السلفه لا يمكن تصفى
- واللى تتجوز اخو جوزك؟
= تفرح لـ لوية بوزك
- هدوم عيالك لازم تبقى ايه؟
= اغلى من هدوم عيالها بضعفين
- ودهبك لازم يبقى ايه؟
= اتقل من دهبها مرتين
= وجوزك لازم يبقى ايه؟
- اطول من جوزها بشبرين
= لو شوفتيها ملبسه عيالها تقيل
- هبلسهم اللى فى الدولاب كله
- ولو لبسهم لبس خفيف ؟
= هقلعهم انا بلابيص
= ولو ضفرت شعر البنات
= هضيف لبناتى فيونكات
- الله يكلمك بعقلك ياحبييبتي .. القاعدة التانيه بتقول ايه؟
= حماتك ابلفيها .. قبل ما سلفتك تكوش عليها
- لو شوفتيلها جايبلها حاجة؟
= هقول عليها وحشة كالعادة
- ولو طبختلها قدامك طبخة ؟
= هطلع فيها القطط الفاطسة
- ولو قالتها نكته و ضحكتها
= هزغزها انا من تحت باطاتها
- ولو باستها من خدها؟
= هبوسها انا من بؤقها
- اوعى تخليها تغلبك يامريم ياحبيبتي
= ماتقلقيش ياماما
- الله يكملك بعقلك ياحبيبتى ..
- تعيشى ياماما
= يلا ياحبيبتي.. روحي انتى بقى عشان تلحقي #كومنتاتك تحملى وتولدي وتسبعي وتربعنى قبل ماهى تعرف نوع الجنين ايه ..
#سلايف_وكده_بقى ✌😂😂
اضحك طول اليوم 😂
