قاعد عند الحلاق ..
دخل طفل زى القمر ما شاء الله ومعاه باباه اللى جاله مكالمه وطلع برا عشان يكملها

- الحلاق بيقوله اتأخرت ليه يا يوسف
= قاله اصل بابا وماما كانوا بيتخانقوا

الحلاق حاول يغير الموضوع

- فطرت ايه انهارده
= ملحقتش افطر ماما قالت لبابا خلى الزباله اللى انت تعرفها تعملك اكل انت وابنك

الحلاق قال يخرج برا البيت خالص عشان يغير الموضوع تماما

- طب انت عامل ايه فى المدرسه ؟
= بقالى اسبوع مبروحش اصل الست اللى بابا يعرفها على ماما ميس الانجليش بتاعتى

الحلاق قرر انه يسكت خالص لحد ما ابوه يجى يوقف جهاز الاذاعه دا

اما دخل ابوه …

يا يوسف قصر شعرك شويه كمان عشان ماما متزعلش منك

قام قايله … لا هى زعلانه منك انت عشان ميس شيرين

قاله ميس شيرين مين ؟!!
فالحلاق رد عليه وقاله … بتاعت الانجليش يا بشمهندس متنكشوش بقى!!!
#كومنتاتك