بحب الخصوصية في حياتي عمومًا ..
مش بحب حد يعرف حاجه عني "إلا الشخص اللي اختاره يعرف" لأني كمان مبحبش أتدخل في حياة حد ولا أدخل نفسي في تفاصيل مش هتزودني لو عرفتها ..
عمري ما قدرت أتطفل على حد وأسأله بتقبض كام؟ هتتجوز امتى؟ مخلفتش ليه؟ وأسئلة تانية كتير ..
الحقيقة إننا لازم نطبق مقولة "مَن تدخل فيما لا يعنيه سمع مالا يرضيه"
ومانتكسفش نحرج اللي بيتدخل في حياتنا بشكل يضايقنا لأن هو ماتكسفش يتدخل في اللي مالوش فيه...
#كومنتاتك

عايزه افضفض مع حد بس على شرط يكون متخلف عقلياً علشان ميقوليش نصايح.
#كومنتاتك

بتضايق من نفسي لما بلاقيني بتعَدى مبادئي علشان امشي الدنيا.
وبتضايق أكتر لما ألاقي اللي قدامي مش حاسس إني ببذل مجهود علشان حاجة زي دي.
وبتضايق اكتر وأكتر لما بتعامل مع بني ادمين..
#كومنتاتك

‏في حب الرصاصه الأخيره اللي بيديهالك الشخص اللي تخليك متحسش بالزعل على خسارته..
#كومنتاتك

الحقيقة إن الحياة صعبة .. صعبة جدا .. مجهدة .. حتى لو أنت مبسوط أو راضي .. صعبة ... مرهقة جدا ... و أي حد هيقلك غير كده .. he is selling something ....

الحاجة الوحيدة اللي بتهون مشقة الحياة هي مشاعر "الحب" و "الحنية" و "الاهتمام" و "الرعاية" من الأهل و الأصدقاء و الأحبة .... أي إنسان بيواجه الحياة يوميا من غير ما يلاقي المشاعر دي معرض لكل الأمراض النفسية الممكنة .... الشيء الوحيد اللي بيحمي الإنسان من الانهيار هو "الشعور بالحب" و بأن وجوده مهم ❤️.
#كومنتاتك

اوعوا تفتكروا لما بيت الأخ بينفتح لكم وتدخلوا وتاكلوا وتشربوا وتسهروا وتناموا وتعيشوا أسعد لحظاتكم بيكون لأنو الأخ صاحب البيت سيد الرجالة او الراجل الحمش المسيطر على مراتة ومسخر أهل بيته لإسعادكم ابدا
الحكاية أن مراتة محترمة وبنت اصل وعارفة أن كلة هيتردلها
اختى الكبيرة وامى الثانية كانت دائما تقولى البيت مبيندخلش الا من ترحاب الست اللى فية
الحكاية اساسا لما زوجة الاخ تكون بتعمل كل دة بحب ورضا
شكراً ⚘⚘ لبنات الأصول اللى بتخلي البيوت عمرانه بالضيوف والحبايب ...
#كومنتاتك

هو ليه الانسان حياته كلها صراعات؟
بيصارع الدنيا
بيصارع شيطانه
بيصارع نفسه
دون أي راحة، وتحس إن مفيش وقت تلتقط فيه حتى أنفاسك، ليه بجد
ليه الواحد ميبقاش عايش رايق مرتاح البال، ليه ها لييه!.
#كومنتاتك

مراتك دي أمانة في رقبتك، مش مجرد واحدة بتطبخ وبتنضف البيت.
الجواز مش أكل وشرب بس، مراتك ليها حق عليك تهتم بيها وبنفسيتها، تعرف إيه اللي مزعلها وإيه اللي بيفرحها، تسمعها وتشاركها اهتماماتها.
متخليش مشاكل الحياة تنسيك إنها محتاجالك، محتاجة تحس إنها مهمة في حياتك.
متستناش لما تشتكي، بادر أنت بالاهتمام والسؤال. كلمة حلوة، حضن دافي، وردة بسيطة، كل دي حاجات بتفرق معاها أوي. خليك راجل بجد، وقد المسؤولية اللي ربنا حطها في إيدك..
#كومنتاتك

كنت هبعت مسج ****ة لحد عزيز عليا
عشان نتعاتب على حاجه مضايقاني
وبعدين تراجعت ....
فجأة بقيت حاسه ان الصديق الحقيقي هيبقى فعلا حريص على بقاء العلاقة مهما كانت الظروف!
بقالي كتير عمالة بضيق دايرة علاقاتي لحد ما بقت لا تتسع غير لتلاته أو أربعة فقط..
وعلى الرغم من إن ده منافي تماما لطبيعتي اللي بتحب اللمة والإجتماعيات إلا إني أثرت السلامة وقررت موجعش قلبي تاني على ناس مش مقدرة قيمة وجودي في حياتهم ...
#كومنتاتك

في وقت معين، الواحد بيبطل يزعل، بيبطل يستغرب، وبيبطل حتى يِعاتب. مش عشان متسامح، ولا عشان قلبه جامد.. بس عشان فاهم إن مفيش فايده، فبتبطل تتفاجئ.. وبتدرك إن مش كل الناس نضيفة، ولا كل المواقف تستاهل رد فعل. بعض الحاجات مكانها الحقيقي ورا ضهرك..
#كومنتاتك