مش عارفه أبطل ...كل م أشوف بنت قوية أقعد أخمّن وجعها
اتسابت؟
اتخانت؟
حد م ناسها القريبين مات؟
اتصدمت ف مين؟
نامت معيطة قد أيه؟
بقت كويسة بجد ولا بتمثل؟
اتعلِّمت ولا اتعقدت؟
اسئلة كتير أوي بتيجي ف بالي، وقت كبير بضيعه وأنا بنسج قصتها ف خيالي، أحياناً القصة بتحكيها ملامحها، تفاصيل ضحكتها، حركة ايديها، أكتر كلمة بتكررها، رد فعلها ع اسم معين،...
القصص مختلفة ف تجاعيد كل بنت، بس دايماً فيه وجع..
البنت مبتتولدش قوية يخوانا، مش ف چيناتهم، دية صفة مكتسبة.
#كومنتاتك

‏محدش عمل عشاني حاجه إلا و عملت ضعفها ، ولو طلعت معاك وحشه مره أتأكد أنك طلعت معايا وحش عشرين مره ، بس المره بتاعتي بالعشرين بتوعك..
#كومنتاتك

كرجل، أنت المنقذ

لزوجتك، أطفالك، عائلتك...
#كومنتاتك

إيه شُعورك وإنتَ شخص مؤذي؟ إيه إحساسك لما كُل مرة تيجي سيرتك يتحسبن عليك! أنا مش فاهم ليه الناس بقت تتصارع على مين يخدع ومين يوجع ومين يخذل التاني! وحرفيًا مَفيش حد فينا ما مرّش عليه الشخص المؤذي اللي دمره وهز ثِقته بنفسه وساب له ذكرى مؤلِمة في حياته! وللأسف إنتو ناسيين حاجة مُهمة وهي إن الدُنيا دوّارة والحياة داين تُدان، يعني كُل أذية دوقتها لغيرك هييجي يوم وهتدوق من نفس الكأس، وعاجلًا أو آجلًا هيتحرق قلبك زي ما حرقت قلب غيرك.. وإحنا مش مستعجلين خالص وهنفضل مستنيين العدل والقصاص من ربنا..
#كومنتاتك

‏"حتى لو تصرفت معك بغرابة، لو حالت بيننا ألف مُشكلة، إعلم أن كل نوافذ قلبي تُطل عليك.".
#كومنتاتك

مش لاقيه حاجه البسها بجد لبس الصيف كله مش شخصيتي شخصية السنه اللي فاتت.
#كومنتاتك

الحقيقة إن الحياة صعبة .. صعبة جدا .. مجهدة .. حتى لو أنت مبسوط أو راضي .. صعبة ... مرهقة جدا ... و أي حد هيقلك غير كده .. he is selling something ....

الحاجة الوحيدة اللي بتهون مشقة الحياة هي مشاعر "الحب" و "الحنية" و "الاهتمام" و "الرعاية" من الأهل و الأصدقاء و الأحبة .... أي إنسان بيواجه الحياة يوميا من غير ما يلاقي المشاعر دي معرض لكل الأمراض النفسية الممكنة .... الشيء الوحيد اللي بيحمي الإنسان من الانهيار هو "الشعور بالحب" و بأن وجوده مهم ❤️.
#كومنتاتك